1
1
9
Б.Цогнэмэх “Тэнгэрийн хүү” түүхэн туульсын жүжиг
Зохион байгуулагч: Улсын драмын эрдмийн театр
Зохиолч : МЗЭ-ийн шагналт Б.Цогнэмэх
Найруулагч : Төрийн соёрхолт, УГЗ Н.Наранбаатар
Ерөнхий продюсер : УГЗ Д.Цэрэнсамбуу
Ерөнхий зураач : УГЗ Т.Ганхуяг
Хөдөлгөөний найруулагч, бүжиг дэглээч : СТА Г.Ган-Очир
Үргэлжлэх хугацаа: 180 минут
Насны ангилал: 15+
Тасалбар : Ticket.mn
2011 онд УДЭТ-ын тайзнаа анх амилсан “Тэнгэрийн хүү” жүжиг шинэ жүжигчдийн бүрэлдэхүүн, шинэтгэсэн найруулгаар 10 дугаар сард эргэн ирэх гэж байна.
Монголын язгуурын төрт улс болох “Хүннү” улсын эзэн Модун Шаньюйгийн түүхийг Б.Цогнэмэхийн зохиол, Н.Наранбаатарын найруулгаар үзүүлэх энэхүү жүжиг тоглогдож эхэлснээсээ хойш Монгол төрийн ёсолгооноос эхлээд үндэсний хувцасны соёлд нөлөөлж, монгол үзэгчдийн үндэсний ухамсар сэргэхэд онцгой хувь нэмэр оруулсан бүтээл билээ.
Хүннү гүрэн байгуулагдсаны 2220 жилийн ойд зориулан бүтээж байсан энэхүү жүжиг тухайн ондоо “Гэгээн Муза” олон улсын театрын наадмын шилдэг жүжгийн зохиолч, шилдэг найруулагч, шилдэг хөгжмийн зохиолч, шилдэг эрэгтэй жүжигчин тэргүүтэй зургаан номинацад шалгарч, гран при шагнал, оны шилдэг уран бүтээл, уран бүтээлчдийг шалгаруулдаг “Мөнгөн мод” ёслолын ажиллагааны шилдэг бүтээлийн цомыг хүртсэн юм.
“Тэнгэрийн хүү” жүжиг анх үзэгчдийн хүртээл болсноос хойш 13 жилийн дотор Монголын анхны төрт улс болох Хүннүгийн түүх, археологийн судалгаанд олон чухал нээлт хийгдсэн билээ. Үүнээс улбаалан Хүннүгийн түүхийн талаарх үзэгч олон нийтийн мэдлэг, ойлголт сайжран, шинэ үеийн үзэгчдэд энэ цаг үеийн тухай түүхэн бүтээлийг үзэн сонордох хэрэгцээ нэмэгдсээр буй нь жүжгийг сэргээн тавих гол шалтгаан болж байна. Жүжгийн Ерөнхий найруулагч Н.Наранбаатар “Эх орон, газар шорооны тухай бүтээл болох “Тэнгэрийн хүү” жүжгээрээ дуугарах цаг нь болсон байна” хэмээн эл жүжгийг дахин хүргэх болсон шалтгаанаа тайлбарласан юм.
Жүжгийн гол дүр Модун Шаньюйд жүжигчин Б.Шинэбаяр сонгогдсон бол Түмэн Шаньюйгийн дүрд жүжигчин М.Түвшинхүү, Могол хатны дүрд гавьяат жүжигчин Ж.Оюундарь зэрэг УДЭТ-ийн гурван үеийн уран бүтээлчид “Тэнгэрийн хүү” жүжигт оролцож байна.
Дүрүүдэд :
| Модун Шаньюй – Б.Шинэбаяр /СТА/ |
| Түмэн Шаньюй – М.Түвшинхүү /СТА/ |
| Могол хатан – Ж.Оюундарь /МУГЖ/ |
| Шунхуй хатан – Г.Отгонцэцэг /СТА/ |
| Лүүсүү Ван – О.Гэрэлсүх /СТА/ |
| Шагэ гүнж – Т.Хулан /СТА/ |
| Арваадай хунтайж – Т.Сэргэлэн /СТА/ |
| Их Зайран – Ж.Пүрэвдорж /СТА/ |
| Шива хатан – А.Номин-Эрдэнэ |
| Бүни гүнж – Ц.Цэлмэг |
| Кушаны хаан Дэргү – Г.Ганбат /СТА/ |
| Кушаны сайд – Ц.Жаргалсайхан /СТА/ |
| Дунху улсын хаан Лю Бан – Т.Баттогтох /СТА/ |
| Хуянь овгийн тэргүүлэгч Бушива – Б.Даваасүрэн /СТА/ |
| Могол хатны шивэгчин – Д.Асардарь /СТА/ |
| Шунхуй хатны шивэгчиин – П.Мягмарсүрэн /СТА/ |
| Морин хуурч – О.Майдарравжаа /СТА/ |
| Бичиг хэргийн даамал – Д.Мөнх-Од /СТА/ |
| Харвуулдаг хатан – О.Долгор /СТА/ |
|
Хөх аравт Д.Мөнх-Од, Г.Эрдэнэболд, О.Үржинханд, О.Майдарравжаа, Н.Мөнх-Эрдэнэ Ц.Рагчаа Д.Мөнхтулга, Я.Төгсжаргалан, Б.Хүслэн, Б.Баярт-Од |
|
Бор аравт Ж.Намсрай, Б.Үүрцайх, Н.Балжинням, Б.Баянбилэгт, А.Төвшинтөгөлдөр, Д.Тэмүүлэн, М.Батзориг, Чингүнжав, Ө.Бямбажаргал, Н.Буянхишиг |
| Шивэгчин эмс
М.Тогтохжаргал, Д.Асардарь, П.Мягмарсүрэн, Т.Анхзул, А.Энхжин. Б.Золзаяа, Г.Номин-Эрдэнэ, Мичидмаа, Дэлгэрмаа, Од-Ням |